Жүректің құрылымдық патологиясы жоқ науқастардағы қарыншалық аритмиялар: пациенттерді басқару тактикасын таңдауға өмір сапасының әсері

Кіріспе

Жүрек ырғағының идиопатиялық қарыншалық бұзылулары, яғни жүректің құрылымдық патологиясы жоқ адамдарда пайда болатын аритмиялар пациенттер үшін маңыздылығына байланысты ғана емес, мұндай науқастарды басқарудың нақты анықталған тәсілдерінің болмауына байланысты өзекті мәселе болып табылады.

Мұндай аритмиялары бар пациенттерді басқару жөніндегі ұсынымдардың болуына қарамастан, оларды нақты тәжірибеде қолдану бірқатар объективті және субъективті шектеулерге ие. Осыған байланысты әртүрлі емдеу әдістерін қолдану көрсеткіштерін нақтылауға және белгілі бір пациентті басқарудың оңтайлы тактикасын анықтауға бағытталған кейінгі зерттеулер өзекті болып табылады.

Мақсат

Жүректің құрылымдық патологиясы жоқ адамдарда жиі кездесетін ҚЭ және/немесе қарыншалық тахикардияны (ҚТ) емдеудің әртүрлі тәсілдерінің бірінші нәтижелерін зерделеу үшін зерттеу жүргізілді. 

Материал және әдістер

Зерттеуге жүректің құрылымдық патологиясы болмаған кезде қарыншалық аритмиясы бар 85 пациент (21 еркек және 64 әйел; орташа жасы 44 [32; 56] жастағы) қатыстырылды. Тәулігіне орташа ҚЭ саны 15251 [8979; 23 642] құрады, тұрақты емес ҚТ 26 пациентте, тұрақты ҚT – 5 пациентте тіркелді. Одан арғы басқару тактикасы науқастың қалауын ескере отырып анықталды: 27 (32%) адам – аритмия фокусының РЖА орындауды, 37 (43%) адам – аритмияға қарсы терапияны (АҚТ) (осы науқастар тобында дәрілік заттарды қабылдаудың алдыңғы тәжірибесін ескере отырып, ең тиімді аритмияға қарсы препаратты таңдау жүргізілді), 21 (25%) адам – емдеусіз динамикалық байқалуды артық көрді.

Бастапқыда және 1 айдан кейін электрокардиограмманы холтерлік мониторлау және SF-36 сауалнамасы арқылы өмір сапасын (ӨС) бағалау жүргізілді.

Тіркелген пайдаланушылар мақаланың толық нұсқасын мына сілтеме арқылы көре алады:

“Жүректің құрылымдық патологиясы жоқ науқастардағы қарыншалық аритмиялар: пациенттерді басқару тактикасын таңдауға өмір сапасының әсері”